友善列印

「臺灣客家茶文化館」个位所就在產茶為主个桃園龍潭區：在國道三號高原交流道脣，交通十分利便。場館係用茶園地景、順應山排地形起起來个：係一個地下一層、地上兩棧个生態建築，來打造簡樸清寧个靚靚場館；超凡脫俗个建築設計，也得著咧美國繆思設計等等个大獎。場館內部个規劃設計係用「客家茶文化」摎「茶產業歷史」來做展覽个主線，還過用創新茶餐飲摎做得分大家體驗著各國啉茶文化个六國茶室做為特色，係臺灣茶路──浪漫台三線路項，分人定著會想去遶尞个亮點。