友善列印

崙坪文化地景園區在2019年11月開園，原本係日治昭和時期國際電話株式會社觀音崙坪受信所个所在地，後來由桃園市政府都市發展局將整體環境重塑，順應園區自然原貌，保留現有茂密樹林，變做桃園另一跡位祕境。園區分做龜殼劇場、中央大草坪摎客家工藝聚落這3區，其中个「客家工藝聚落」包含客家工藝館摎好客食堂，客家工藝館納入客家百工百業，包括木工、藍染、竹編、草編、服飾、家具等等，推動桃園客家工藝發展同傳承；「龜殼劇場」建置仿生龜殼木結構設施，提供展覽表演使用乜做得推銷文創產品這兜；「中央大草坪」除忒現有草坪摎綠蔭體驗以外，適合森林活動體驗，也做得辦理野餐、茶席這兜活動。